“تأثرت نفسيًا”.. العوضي يُعلن لأول مرة سبب انفصاله عن ياسمين عبدالعزيز
حل الفنان أحمد العوضي، ضيفًا على برنامج «ع المسرح» مع الإعلامية منى عبدالوهاب على شاشة قناة الحياة، اليوم، خلال الجزء الثاني من الحلقة.
وكشف العوضي خلال الحلقة لأول مرة تفاصيل انفصاله عن الفنانة ياسمين عبدالعزيز بعد قصة حب كبيرة شهدها الجمهور.
العوضي يُعلن لأول مرة سبب انفصاله عن ياسمين عبدالعزيز
وقال العوضي:”أنا عشت مع ياسمين أحلى أيام حياتي، أنا مش قافلها ومش بظلم نفسي أنا بقول الحقيقة، أنا عشت معها أيام فيها حب نجاح وأزمات وحروب ومرض، كنت جنبها وهي كانت جنبي أنا لما تعبت بعد ما أطلقنا هي اللي جات ووقفت معايا.. هو في حد بيعمل كده”.
وأكمل: “الست دي عندي في حياتي حاجة كبيرة جدًا، وتأثرت نفسيًا بعد الأنفصال، وأنا ماتكسفش أقول كده، دي ملهاش علاقة بإني جامد”.
مردفًا: “اللي حصل قضاء وقدر ومحدش قصر مع التاني أو كان وحش مع التاني، انفصالنا كان راقي على قدر احترامنا لنفسنا واحترام الناس لينا”.
وتابع: “قصه حبي لياسمين كبيرة مش عادية، وإلا ما كنتش وصلت للناس بالعمق ده لو هي قصة حب عادية”، مضيفا: “كل يوم في اثنين بيحبوا بعض وكل يوم نجوم بيتجوزوا اشمعنى دي اشمعنى القصة دي، ما حدش بيضحك على الناس وإلا ما كانش الانفصال يعمل اللي حصل ده”.
وتابع أن انفصاله عن الفنانة ياسمين عبدالعزيز كان يسوده الاحترام، وكل شيء في الحياة قضاء وقدر، ولم يقصر أي منهما في حياة الآخر أو كان سيئا مع الآخر.
