سر الهيكل الغامض اللي تم رصده تحت الرمال جنب الهرم الأكبر
يا ترى ايه سر الهيكل الغامض اللي تم رصده تحت الرمال جنب الهرم الأكبر؟!
و ما علاقته بالبوابه الكبري أو كما تسمي الحارس النجمي أو البوابه النجميه و علاقتها بالدجال و لماذا تدفع اليابان و اوروبا المليارات لجلفنه الاهرام و اعاده تغيطها لاعاده احياء و تجميع الطاقه الكونيه بداخل الهرم الاكبر خاصآ و علاقته بفتح البوابه النجميه
من يومين كده، بعض العلماء والباحثين من جامعات يابانية والمعهد القومي لبحوث الفلك والجيوفيزياء المصري، أعلنوا انهم اكتشفوا هيكل ضخم مدفون تحت رمال صحراء الجيزة في المقپرة الغربية، على بعد امتار من الهرم الأكبر..
الهيكل ده رصدوا وجوده باستعمال أجهزة الرادار المخترق للصخور والتصوير المقطعي وأجهزة مسح ما تحت التربة، خلال دراسة استمرت من سنة 2021 ولحد 2023.. وحسب التقرير البحثي اللي نشروه من يومين، فالهيكل ده منقسم لعدد من الأجسام الغريبة اللي بيعتقدوا انها ممكن تكون جدران عمودية من الحجر الجيري، أو على الأرجح أعمدة بتؤدي لمدخل مقپرة قديمة ومجهولة!
الهيكل الغامض ده حسب المسح الجيوفيزيائي اللي تم اجراءه على تربة المنطقة، شكله أقرب لحرف L، طوله متر وعرضه حوالي 15 متر.. وهو موجود على عمق مترين تقريبًا، ولحد النهارده محدش عارف ولا متأكد بالظبط هو عبارة عن أيه!
بس مش كل ده بقى الغريب.. الغريب هو ان الرواية الرسمية بتقول ان اللي بنى الهرم الأكبر هو الملك خوفو، من حوالي 5000 سنة تقريبًا.. ولحد يومنا هذا محدش لقاله أي أثر جوه الهرم تقريبًا، ولا لقيناله أي تماثيل إلا واحد بس طوله 9 سنتيمتر تقريبًا! فهل الملك العظيم اللي بنى صرح أسطوري زي الهرم، معقول مالوش مقاپر ولا أي تماثيل الا واحد بس طوله 9 سنتيمتر؟!
دي الرواية الرسمية على أي حال.. وسواء بقى كان الهيكل الغامض المدفون جنب الهرم ده له علاقة پخوفو، أو عبارة عن مدخل خفي لمقپرة مختلفة أو مدخل سري قديم للهرم نفسه ومدفون من آلاف السنين، فاحنا للأسف مضطرين نستنى لحد ما نتايج أعمال الحفر والتنقيب اللي بتتعمل في المنطقة دي يتم الإعلان عنها رسميًا..
تفتكر انت، أيه السر الغامض اللي بقاله آلاف السنين مدفون هناك؟ وهل هيأكد الرواية الرسمية اللي خدناها في المدرسة لبناء الهرم، ولا هيكون بمثابة كشف تاريخي هيقلب علم المصريات كله رأسًا على عقب، وهيغير كل اللي كنا فاكرين اننا عارفينه عن أصول الآثار المصرية القديمة؟
