“كل حاجة انكشفت”.. رسالة مفاجئة من عمرو مصطفى بعد واقعة صفع عمرو دياب
حالة من الجدل الواسع، شهدتها مواقع التواصل الاجتماعي، الساعات الماضية، بعد تداول مقطع فيديو للمطرب عمرو دياب، إذ ظهر الهضبة خلاله وهو ېصفع شاب من جمهوره بالقلم على وجهه.
من جانبه، هاجم الفنان عمرو مصطفى، زميله الفنان عمرو دياب بعد صفعه شابًا في أحد الأفراح.
“كل حاجة انكشفت”.. رسالة مفاجئة من عمرو مصطفى بعد واقعة صفع عمرو دياب
وكتب عمرو مصطفى عبر صفحته على فيسبوك :”أحيانا الزمن كفيل بأنه يكشف كل حاجة”.
وفي أول تعليق له قال الشاب محمد سعد أسامة: “أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.
وأضاف في تصريحات صحفية: “الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد..أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي”.
وتابع: “أنا مقرصتوش أنا كنت بحسسه أن في حد واقف جنبه عاوز يتصور معاه مش اكتر من كدة..حطيت ايدي على ضهره عادي أنا بحبه جدا مش بغرض اي شيء اخر لكن اتفاجئت برد الفعل ”.
وأعلن الشاب: ” أنا دلوقتي رايح أشتكيه في النقابة الأول وأشوف أي اجراء رسمي عشان اعوض حقي في اللي حصل”.
