“اتحبس بسببها فطلقها”.. أسرار لا تعرفها عن هشام ربيع بعد انفصاله عن بوسي
تصدرت المطربة بوسي مؤشرات التريند في مصر الساعات الماضية، بعدما تم الإعلان عن طلاقها رسميًا من زوجها مصفف الشعر هشام ربيع.
وبعد إعلان الطلاق رسميًا، خرج هشام ربي بتصريحات مدوية قلبت الموازين، وصدمت الجمهور لجرأتها.
“اتحبس بسببها فطلقها”.. أسرار لا تعرفها عن هشام ربيع بعد انفصاله عن بوسي
وقال هشام ربيع، في تصريحات صحفية: “حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.”
وتابع: “إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص.”
وأضاف: “ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة.”
وتزوج هشام ربيع من المطربة بوسي كزوجة ثانية في شهر مايو عام 2022، وحضر الحفل العديد من الفنانين.
وكان دخل هشام ربيع السجن پتهمة الاستيلاء على شيكات بمبلغ 8 ملايين جنيه من المنتج وليد فطين طليق بوسي الأول، وحصل على البراءة منذ أيام.
وبمجرد خروجه من السجن أعلن هشام ربيع طلاقه رسميًا من المطربة بوسي في 14 نوفمبر 2023.
