طليقي كان بيطلب حاجات ما ينفعش أقولها.. بوسي تكشف مفاجأة لأول مرة
قالت المطربة بوسي: “كنت بضرب طليقي بسبب مواقف كتير علشان آخد حقي وكرامتي وأنا مش بحب أسيب حقي وكان بيطلب مني حاجات ما ينفعش أقولها، ولما مسكته بيخوني في بيتها كان وقتها اتجوزها من ورايا”.
مشكلة أفلام السبكي
وأضافت خلال لقائها ببرنامج “حبر سري” الذي تقدمه الإعلامية أسما ابراهيم بقناة “القاهرة والناس”: “أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا”.
وتابعت: “أحمد السبكي أنا بحبه وعلى عيني وعلى راسي بس كان شايفني في حتة الأفلام التجارية وأغاني ونهذر ونضحك وما كانش شايفني ممثلة أقدر أعمل حاجة”.
وتجاهلت الفنانة بوسي خبر إلقاء الشرطة القبض على زوجها مصفف الشعر هشام ربيع، مروجةً لعملها الجديد.
وتوجَّهت بوسي عبر حسابها في “إنستجرام” وشاركت متابعيها البرومو الترويجي لأغنيتها الجديدة بعنوان “مسولي وصبحوا”، المقرر طرحها قريبًا.
وظهرت بوسي في الفيديو الذي اتخذ طابع السبعينيات أو الثمانينيات بإطلالة كلاسيكية أنيقة، مرتديةً فستانًا أبيض مرقطًا بالأسود، فيما اعتمدت تسريحة شعر منسدلة مع غرة جانبية، بينما ارتكز مكياجها على درجات السموكي وطبَّقت أحمر شفاه قرمزيًّا.
وظهرت بوسي في الفيديو وهي ترقص على أنغام أغنيتها مع مجموعة راقصة من الفتيات اللواتي ارتدين فساتين أنيقة بألوان متعددة.
بوسي: طليقي كان معتبرني سبوبة وصحابي اللي آمنت نفسي معاهم ما كانوش أهل ثقة
قالت المطربة بوسي: "اتجوزت وأنا عمري 19 سنة وكنت لسه صغيرة وكان قافل عليَّ لدرجة إنه كان مانعني أشوف أهلي وأصحابي والمقربين علشان يكوش عليَّ وما حدش يلعب بدماغي ويكسب من ورايا أكتر".
سبوبة بوسي
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "جوزي الأول كان خايف حد ياخدني منه وبالتحديد علشان ما حدش ياخد السبوبة، وهو كان معتبرني سبوبة".
معاناة بوسي بعد انفصالها عن زوجها الأول
وأضافت بوسي: "بعد لما انفصلت واتطلقت بقيت عايزة أعمل أصحاب وأعيش حياتي في نطاق الاحترام وإني ست مطلقة عندي ولد وبخاف على سمعتي بس برضو للأسف حتى الصحاب اللي لطشت فيهم في يوم من الأيام ما كانوش الصحاب اللي آمن نفسي معاهم وما كانوش أهل ثقة".
وأبدى رواد مواقع التواصل الاجتماعي حماستهم لسماع الأغنية؛ إذ علَّقت الفنانة آيتن عامر بإيموجي على شكل شعلات نارية، وكتبت إحداهن مشيدة: "أنا فرحان جدا لبوسى انها سابت جو الاغاني الهابطة وركزت ع موهبتها صح كدا وبدأت تشتغل صح وبإذن الله نلاقي ليها كل سنة البوم هتبقى ف حتة تانية".
ويأتي ترويج بوسي لأغنيتها بعدما ضبطت الشرطة زوجها هشام ربيع في واقعة اتهامه بالاستيلاء على 8 ملايين جنيه من طليقها والاعتداء عليه، وأمرت بسرعة التحريات حول الواقعة.
