“لو أنجلينا جولي مش هعمل كده”.. هشام ربيع يفجر مفاجأة بعد طلاقه لبوسي
تصدرت المطربة بوسي مؤشرات التريند في مصر الساعات الماضية، بعدما تم الإعلان عن طلاقها رسميًا من زوجها مصفف الشعر هشام ربيع.
من جانبه، أدلى هشام ربيع بتصريحات جديدة بعد الطلاق، أثارت جدلا واسعا على مواقع التواصل الاجتماعي.
“لو أنجلينا جولي مش هعمل كده”.. هشام ربيع يفجر مفاجأة بعد طلاقه لبوسي
وقال هشام ربيع: ” لما تزوجت من بوسي كنت منفصل عن منة، أنا مش راجل مزواج ولا فاضي للزوجات والستات، هو أنا راجل معنديش مبدأ هرمي مراتي وعيالي علشان خاطر بوسي؟”.
وتابع: “دي لو إنجلينا جولي مش هعمل كده، وربنا بيظهر الحق مدام نيتك سليمة وبيعرف أنت ظالم ولا مظلوم.”
وأكمل: “ليا بيتي وشغلي فقط ولا يوجد نية للرجوع، وزوجتي منة عايشة لولادها فقط، وهي دي الزوجة الأصيلة لكن الواحد مش بيتعلم ببلاش والشدة تظهر كل شيء.”
واختتم: “الناس دي لا يصلحوا للحياة الزوجية بيتجوزا ويطلقوا وبيعدوا الأيام اللي بيطلقوا فيها أو يمكن بيكونوا ناويين ودي حياة مش شبه حياتنا إحنا فلاحين وعندنا أصول.”
وفي وقت سابق، قال هشام ربيع، في تصريحات صحفية: “حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.”
وتابع: “إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص.”
وأضاف: “ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة.”
